Uff herren Reffigio k m uss Franckrich ordenlich ambas-

sadoren in der eidtgnosschafft zuo Sollothurn schriben in

welchem er in namen ihr mt us Franckrich ein ufbruch

von 6000 kriegisch knechten us denen mit ihr mt

verpünten orten der eidtgnoschafft begert, undt

also darumben, uf dieseren tag dissere landts

gmeindt angesechen und gehalten. Daruber den

m h erkhennt namlichen undt wellent für unsers

orts im fall die ubrigen vorgenden catollischen ort, bewilligen

sölchen begerten uffbruch nach lut undt vermög mit ihr

mt habenden püntnus auch bewilliget haben. Doch

handt m h auch darzuo erkhänt, das die houptlüt

so von unserm ort dahin ziechen möchten, ihre kriegs-

lüt, mit der zallung halten undt zallen sollen wie sy dz

gält von künig oder den selbigen regenten empfachent

den knechten auch in selbigem wärt geben sollen. Ist

auch harinen begryffen das ein raat von den

orten söllches regiment nit sollen gwalt han ab undt

heim zemanen, sonder ein gantze gmeindt den gwalt

haben solle.

[Gesandte]