Hochgeachte edle...

...e g e w underthenig brichten wöllen,

welcher massen wir ein zyt lang, von ihr ex herren guber-

natorn und auch derselben amptsbefelchs habern, unsren us

stendigen zallungen gar langsam und schlechtlichen gehallten

also wir in die useriste nott khomen, alles dz ienig so wir ge-

hebt zu versetzen und zu verkouffen, damit wir unsre sold-

daten und kriegslüt in gutter ordnung und gehorsame erhallt-

en könend. Es hatt auch an starkckem solicitieren und täglichem

anhallten nitt ermanglet, aber wir offtermallen mit glaten

wortten zu hoff abdädiget, und gen Meylandt an herr gross

cantzler gellt zu empfachen gewissen, aber biss hero wenig

erhallten und usbringen mögen, unangesechen am gellt nit

ermanglet, sondern uns gefarlich von einem tag zum andren uff-

hallten, und dennacht uns nit vergwüssen oder versichern

wöllen satis facion zu schaffen, derwegen ich mit grosser

ungelegenheit und kosten alhie min zit verlieren müss,

und raatsame ich by dem regiment verbliben könt.

Im fhaal aber unsre zallungen welche sich täglichen meer-

end gefarlicher wyss wie bishero beschechen, hinder

hallten und uffgeschoben wurdent, desen wir in grosse

(2)

gefaar aller handt ungelegenheit rebelion der soldaten

und bössen zuständen zu besorgen, dardurch wir hochtrung-

ender not verursachet wurden, unsre anbefolchne guatier

und blätz zu verlassen, welche sonst der meertheil schlecht

und gar arm sindt, und wir uns in die lenge schwerlich uff

zubehallten befinden, dar von uns vil und menckerley be-

denckens fürfallt, und uns ebenmesig von den officiallen

denen wir unsre protestation grossen barrt wz wir vor-

habens sigend, zu antwort worden, im fhaal wir sollichs

one consens ihr ex mit dem regiment uff zu brechen für

nemen wurdend, würde ihr Mt solliches zu grossem destenk (?)

und unseren hocher oberkeit befelchen uns darumb hartt

zu straffen, und unsre zallungen verwürckt und verloren

haben, diser und andren derglichen beschwerlichen sachen so

uns taglichen begegne vil zu melden were, e g e w und

en aber wytlüffiger von hern houbtman Zimerman mundtlichen

bricht werden, uff welcher ich mich referieren thun...

Meyland, 31. Mai 1617, Heinrich Kloos