Wir Schwester Margreth Meigerin by den zyten Priorin und der Convent gemeinlichen des Closters Sannt Marien zuͦ Clingental ze minderen Basel. Dunt kunt mengklichen und und bekennen uns offennlich\[e]n mit disem briefe Nachdem wisent Schwester Angnes zum Agstein Conventschwester des genannt\[e]n Closters Clingental selig, der got gnedig sye, Schwester Adeheitten von Delsperg und schwester Elizabeth ze Rine Ir beder leptag und und ye einer nach der ander\[e]n tode o zuͦ rechtem lipgedinge und in lipgedings wise einen gulden gelts rechtes jerliches zinses verordnet und v\[er]schickt hatt die biß zuͦ ende ir wile ze nutzen und ze nyessen und wenn sy nit inein libe noch leben sander mit tode abganngen sind daz dan\[n] solch gult der gulden gelts von stund an an ir aller dryer Jartzyt vallen und gefallen sin sollen nach Innhalt des Jarzytbuͦchs das eigentlich anzeigende. Da gereden und versprechen wir die priorin und Convent davorgenantfur uns und uns\[er] nachkom\[m]en by uns\[er]n wirden und eren in crafft dis briefes den vorgenant\[e]n schwester Adelheitten von Telsperg und schwest\[er] Elizabeth ze Rine und ye ein\[er] nach der anderen tode solich\[e]n gulden gelts lipgedinges die zyt irs lebens ierlichs wenn und zuͦ welicher zyt die gevallen, uf ir gesinnen und begeren, wenn wir darumb von in erfordert werd gutlich und fruntlichen uffgerichten und ze bezalen, in maßen in der gulden geltzs bißher gehantreichet ist alles erbertlich und ungevarlichen Doch mit solicher vorbehaltunge Wenn dieselben schwester Adelheit und Schwester Elizabeth mit tode abgangen und nit inein libe noch leben sind das dann der vermelt gulden gelts lipgedinges irthalb auch tode und abe und an der vorgenan\[nt] Schwester Angnesen zem Agstein schwester Adelheit von Delsperg und Schwester Elizabeth re Rine Jarzyt nach besag des Jarzytbuͦchs vallen und gefallen und iren erben und nachkom\[m]en derenhalb nutzit sine\[r] pflichtig noch verbunden sin sollen in dhein wise. Sinder si verschribung dannenthin crafftloß tod ab und von unwirden geverd und argeliste hierinn vermitten. Und des alles zu warem urkunde haben wir die Priorin und Convent davor genant uns\[er] Priorat und Convent innsigele offentlich tun hencken an disen brieff. Geben uff Sannt Agthen tag der Jungfrouwen des Jares als man zalt nach Cristi uns\[er]s h\[er]ren geburt Vierzehenhundert und in dem achtzigisten Jare.

Ita est attestor ego Nicolaus §§§§

proth§§§§ §§§§§ Basili\[en]sis

manu mea p\[ro]pria