Min underthänig...

... u g hatt an zwyffel inn

der lestenn messyff so uch von der gmeinen xellschafftt

zuo gschribenn wordenn, antreffennt die dry artickel, das

sy nitt wie unser alttfordernn, die altten eydtgnossenn

so vor dem sack hie xin, gehalttenn werdenn, wol verstanden.

Achtt wol u g habe mitt den ubrigen ortten darinn

gehandlett, das wir sy all inn mittler zyt geniessen werden,

sust stadt es inn allwäg zimlich wol under unss, unnd

ist ein mal der anfang, mitt dem dienen und anderem inn

gang brachtt, das ich hoff es werd nitt mee fälen mögen,

wie wol sällichs an arbeit, mitt ungunst inleggen,

an mier und und minen amptslütten nitt zuo gangen ist, dann

ich mancherley volck under mier gheptt, unnd noch han, die

da heimen nitt wöllen volgenn, unnd nitt zuo meisternn sind

xin, mag u g wol dencken, wie sy erst heinen gethan

habenn, derenn ettlich heim gezogenn, und uss dem dienst ge-

müssenn, acht ich wol sy werdenn mich ettwan gägen u g

vertragenn, da ist min früntlich pitt und begär an uch

so söllichs beschäche, es wäre durch gschrifftt oder sust, das ir

den sälbigenn (als die hochverstendigenn) nitt lychttlich glou-

benn wöllent gäbenn, sonders mich lassen zuo versprächenn

khon, unnd mier die coppyen von söllichen gschrifftten uber-

schickenn, wil ich mich allwägen gägen u g verantwurtten

wie einem byderman zu stadt, unnd ir ob Gott will zuo

friden mitt mier sin werdent, wo ich söllichs umb uch min

(2)

g h unnd obernn khan beschuldenn, söndt ir mich all-

zyt als uwer ghorsamer underthan guottwillig finden,

dann ich nitt hie von guots wägen, sonder von eerenn

wägenn, dann ich von Gots gnaden guots gnuog, wo ich

aber einer fromen eydtgnoschafftt, lob nutz und eer

hie inn disem dienst, oder mitt andernn dingen khöntte

fürdernn und schaden wenden, will ich mich dess nitt

sparenn. Nüwer zyttung halb weiss ich u g

anders nütt zuo schrybenn, dann das man uff dem viii

tag aprilis vier cardinäl gemachtt, der erst...

(3)

... Datum zuo Rhom uff, dem xxiii aprilis anno xlix

gnädigenn liebenn herren u g sye zuo wüssenn das min

lüttener uff dem oster abent frisch und xund har

gan Rhom khummen, unnd mier uwere brieff uberantt-

wurttett, darumb wir uch zu aller höchsten dancken,

bittent uch dar mitt als unser g lieb herren ir wöllent

die gantze xellschafftt allwägen für befolchen habenn.

u g gehorsamer

Jost von Meggen Ritter

Babst(er) heyl(eit) der

eydthnossen guardi

houpttman zuo Rhom