Ich Michel Wenssler der büchdrucker, burger zu Basel unnd ich

[Leerraum] sin erliche hussfrow mit im als minem erliche man und

vogt dem ich der vogtie bekanntlich bin bekennen unns offenlich

mit disem brieff, daz wir beide sampt unnd sunders

und scheidenlich füreinander einer uffrechten waren redlichen

schuld schuldig sind unnd gelten sollen dem erbarn Jacob Steinacher

genant Allgower dem kouffman burger zu Basel, zweyhundert

gulden (200 Gulden) rinischer gutter und gennger an gold oder i lb v ss (1 Pfund, 5 Schilling)

für yeden gulden, so unns der yetzgenant Jacob Steinacher

von unser (?) ernstlich bitt unnd begerung wegen zu unnser

kentlichen notturfft in uffrechtem truwen unnd glouben guttlich

unnd fruntlich gelichen. Wir ouch die in barem gezaltem geld

als daz unns des von im wol benuget von im empfangen unnd

in unnser nutz und fromen bewendet unnd bekertt haben.

Harumb so gereden unnd versprechen wir bede unverscheidenlich (?) [Einschub: hand und uns gwalt]

und insunders ich [Leerraum] mit des genanten Michels

Wensslers als mines erlichen man und vogts für unns

unnd alle unser erben by unnsern guten truwen und eren

an gesworiner eydes für unns unnd alle unnsere erben die wir

zu allen heran geschriben dingen vestirlich (?) unnd wissentlich

verbinden und verstarken solich zweyhundert gulden (200 Gulden) guter und

genug der obbestimten werung zwüschen datum dis briefs

und sanct Johanns tag des touffers zu sonnwenden scherest (?)

kunfftig, [Einschub: dem genanten Jacob Allgewer oder sinen erben] ouch guttlich unnd fruntlich zebezalen unnd uff zerichten

unnd inen die in der statt Basel, one witter verzug irrug intrag

oder wider rede, in sichern (?) habenden gwalt daran sy benuget ze

anttwurtten unnd ze weren für allermengklichs gebott unnd

verbott für bann acht oder anleitte (?) für alle vechd unnd vynndtschaft

unnd entweeren unnd gentzlich one allen iren costen unnd

schaden alles erbarlich getruwlich unnd ungevarlich.

(2)

Und damit sy des selbstatt (?) unnd der bezalung wie yetzgemeldet

ist dester sicherer sin mögent, so haben wir die genanten

erliche gemechit (?) Michel Wenssler, unnd [Leerraum] sin husfrow

für unns und alle unser erben zü rechten unnder

pfenndern unnd in underpfands wise, ingesetzt unnd

hinder den gemelten Jacob Allgewer gelegt unnd in sine

handen gwalt geben, dise nach bestimpte stuck kleider

unnd kleinotter, nemlich ein brigischen frowen rock

ein rothfarwen frowen rock mit zehn vergulten hefftlin ein

gröuen frowen rock mit xii (12) gesperr ein blowen [Einschub: frowen] rock

mit einem hefftlin, ein schwartzen frowen rock, mit zehn

hefftlin ein schwartze frowen schuben mit fech (?) gefuttert hatt

ein vergulten hafften ein braunen schuben mit fech gefuttert

ein frawen mantel ein manschuben mit marder gefuttert.

Item zwe gross stegen (?), item zwey lange stulachen drü

stuck heidsch werck zwey kussy heidsch werck, item drü

guldiner ring klein unnd gross ein swartzen floss gurttel,

ein rotten beslagen gurttel ein beslagen brunnen gurttel,

item ein blowen beslagen gurttel, item ein guldin bortten

[Streichung]

Also unnd mit denen fürwortten im die bezalung der

zweyhunndert gulden als obstatt in zytt unnd tag obbestimpt

nit beschee sunder wir oder unnser erben daran sumig wurden

wie unnd in welicher gestalt sich das fugte oder begebe,

wider des gedachten Jacob Allgauwers oder siner erben willen

unnd verhengknuss, alsdenn, der genannt Jacob Allgewer

oder sin erben vollen gwalt unnd gutt recht haben sollen,

unnd mögen, wem innen nach verschinung obgerrmeter (?) zytt

das geliept fugklich unnd oben ist, die obbestimpt stuck

kleider unnd kleinott als ir recht unnderpfannd, und (?) one

(3)

witter rechtvertigen verkunden oder ervolgen, unnd ob daran abgöng

alle andere unns gutter ligende und varende gegen

wurtige unnd kunfftige nutzit ussgenommen, darumb angriffen

pfennden [Einschub: uffbietten], vergannten, vertriben unnd verkouffen, an sich ziehen unnd

selbst behalten, mit oder one gericht geistlichen oder weltlichen

gentzlich on unnser zorn irrung oder intrag, yemerso (?) lang

und vil bis der gedacht Jacob Allgewer oder sin erben, der

obgemelten houptsum mit sampt allem unnd yegklichem

costen und schaden, ab einichen desshalb durch sy erlitten oder

empfangen [Einschub: in was gestalt das bescheen oder zugangen were, darum ir erben worten (?)] gantz unnd volkomen bezalung ussrichtung

unnd vernugung bescheen ist, wider solich pfanndung angriffung

uffbiettung unnd verkouffung, wir noch unnser erben [Einschub: by obgeschribnen pflichten] gantz

nutzit hanndlen fürnemen noch davon appellieren sollen noch

wellen damit solich ir fürnemen uffgehalten ge (?)

verlegnert verzogen gewont gehinderet oder ab gestalt werden

mochte, in kein wisse noch wege, unnd vor allen und

yegklichen dingen, sol unns noch unnser erben, gantz nutzit fryen

fristen beschirmen noch befriden, dhein [Einschub: rehstlich (?)] keiserlich noch kungklich

fryheitt gnad rehct noch gericht geistlichs noch weltlichs

dhein fryrecht hoffgericht nch lannd gericht dhein stettrecht

burgrecht bunntniss satzung noch vereynung dhein frid trostung

noch geleitt, der fresten herren noch des lannds noch sust dhein

annder sund list untruw noch geverde so yemand hiewider

erdencken konnde oder sprechen mochte, die zweyhundert gld (200 Gulden)

weren unns nit worden noch in unnser nutz noch notturfft bekertt

ouch das recht unnd fryheitt, von Vollegano (?) dem

römischen ratt wisslichem geslecht gegeben oder [Einschub: von andern] hie nach gegeben

worden mochte, dem wir unns das alles unnd yegklichs

in sunders nemlich ich Michel Wenssler unnd ich [Leerraum]

mit hannd unnd gwalt des yetzigen unns erlichen mans unnd

(4)

vogts [Rand: für unns unnd alle

unnser erben die

wir zu allen

vorgeschribnen

dingen vestigklich

verbunden unnd

verstarken] mit sampt dem rechten dem ein gemein verzichnis

wider spricht gar unnd gantz verzigen unnd begeben ver-

zichen unnd begeben unns des in krafft dis brieffs

sub sigillo suo et Johannis Gerster (?) datum iovis ante letare lxxxx.

(6)

Anno ... lxxxx uff donrstag vor dem sonntag letare,

zu mittvasten, ist vor mir hienunden geschribnen Notaren

unnd den erbarn Hannsen Hebdenring dem fryen amptmann

unnd Martin von Tachsfelden der underkaiffer der statt Basel,

gestannden, der erbar meister Michel Wensler, der buchdrucker

burger daselbs zu Basel, unnd hatt sich offenlich bekannt, wie

daz er den kauff und verkauff in disem [Einschub: angehefften], houptbrieff geschriben

dem erbarn Jacob Allgäuer also geben hab unnd des mit keinen

geverden hindergangen (?) sye, sunder wie der brieff das wiset sin

gutt wissen will und meynung gewesen unnd noch sye. [Einschub: Derselb Michel] hatt

ouch uff das dem obgemelten Hannsen Hebdenring [Einschub: in namen im und mir (?) herren schultheis] als einem

amptman [Einschub: an sin hand] by dem eyde derselb meister Michel minen gnedigen

herren den reten getan glopt und versprochen denselben

kouff nach lutt dis angehefften houpt

brieffs stett zehalten dawider nit zereden noch zetung in kein

wisse, [Einschub: nitminder denn] ob das alles mit urttel [Einschub: und recht] bekrefftiget ware mit verzihung

in der besten form.

Segenser