Ich Burkhart Segenser tun kunt daz uff hütt dato für mich in gerichtswise komen

sind die ersamen meister Michel Wenssler [Einschub: der buchdrucker] eins, unnd Heinrich Davidt

der kouffman burger zu Basel in namen sin selbs siner geselschafft unnd

Heinrich Ingolds burgers zu Strasburg des andern teils, unnd da so offnet

unnd bekannt der vermelt Michel Wenssler, wie er dem genanten Heinrich

Davidt in namen sin selbs unnd wie obstatt [am Rand: eins uffrechten koufswise] verkoufft und zekouffende

geben hette dis nachgeschribne stuck nemlich xlix [99] getruckter

rother messbucher wurmser bysthumbs, unnd fünfftzig buchlin sermones

Ruperti genant, welich bucher alle gantz correct sust nyemands

teil noch gemein daran hett auch weder versetzt verpfenndt, [Einschub: noch] bekumbert sind

sin des verkouffers frye ledig eigen unnd von mengklichem unsprechig

weren als derselb Michel Wensler sprach unnd by gutten truwen darumb

geben behüb unnd were solich koff geben unnd bescheen umb

hundert unnd xl gld [160 Gulden] rinisch, deren er wol gewert unnd

bezalt were des er sich bekannt unnd Heinrichen Davidt unnd mengklichen

quittierens bederffend darumb guitt unnd ledig sagt mit disem brieff

nemlich daz er Heinrich David lxxxvi gld [86 Gulden] und Heinrich

Imgold liiii gld [54 Gulden] [Einschub: schuldig gewesen] darumb er Heinrich Davidt xlix [99] messbucher

unnd die funfftzig sermones Ruperti unnd Heinrich Ingold

die uberigen funfftzig messbucher obgemelt ingesetzt gehept hette

innhalt der schult briefen daruber begriffen, welich schulden ouch

hiemit bezalt und die selben brieff [Einschub: nü hin für] tod unnd ab weren

haruff [längere Streichung]

Gab [Einschub: Michel Wensler] den kouffern

volmacht unnd gwalt dieselben bucher sampt unnd sonders zu

iren handen zenemen die verfüren verkouffen vertreiben unnd damit

walten handeln tun und lasen als mit [Einschub: irer] frye erkouffter war und

eigentlichen gütt on sin siner erben unnd mengklichs meinung

inred und widersprechen. Glopt und versprach uff das mir

dem obgemelten schultheissen als einem richter an min hand

(2)

by sinen gutten truwen an gesworner eydes statt fur sich unnd

alle sin erben solichs obgemelten kouffes und verkouffs den kouffern

unnd allen iren erben gütt sicher redlich werschafft zetund an allen

ortten unnd zu allen zytten da unnd wenn sy des bederffend

[Einschub: als recht ist ouch disen kouff stet zezhalten dawider nit zereden ouch] wider disen brieff unnd wass

hieran geschriben statt nyend zetund schaffen noch verhengen

zegescheen weder mit noch one gericht geistlichem noch weltlichem

suss noch so in kein wise noch weg unnd hatt sich verzigen ut

in forma.