Da hatt sich Jacob Allgower der kouffman burger zu Basel, bekant

domnach meister Michel Wensler im iiiic und lx gld (460 Gulden) schuldig

und zetund gewesen sye, innhalb schultbrieffs darumb uffgericht,

daz im da derselb meister Michel an bezalung der yetzgemelten

sum xxx (30) ballen bappiers zu buchern nemlich ein loyca und phie (Logica und Philosophie)

in krafft ein abrede zwüschen inen solichs wercks unnd drucks

halb, der yetz bestimpten buchern bescheen nemlich yede balle für

vii gld (7 Gulden) gedenckt unnd in damit iic unnd x gld (210 Gulden) bezalt

unnd umb die uberigen dritthalb hundert gulden hab im meister

Michel Wensler alle unnd yegklich sin truckgeschirr bressen

ramen buchstaben schrifften matrices unnd anders innhalb

eins kouff brieffs darumb uffgericht zekouffende geben, also

daz er der obgemelten iiic und lx gulden (460 Gulden) von meister

Micheln in wise obbogriffen bezalt worden sye, harumb so

sagt der vermelt Jacob Allgower den gedachten meister Michel

obberurten iiic unnd lx gld (460 Gulden) halb quitt ledig unnd los doch annder

verschribungen unnd sachen halb so sy mitt unnd gegen einander

uffgericht unnd ze schaffen hetten undergriffen unnd unschedlich.

Es hatt ouch meister Michel Wensler sich offenlich bekannt,

daz im Jacob Allgower die obbestimpte xxx ballen bappiers

an die loyra und phie (?) obgemelt zendrucken nemlich yede ballen

für vii gld (7 gulden) zendruckende verdingt gehapt hab.