[Aussage für Johann Ekhart gegen Hans von Byngen]

Cuntzlin Karer von Sant Gallen hatt gesworen unnd gesagt,

daz er uff ein zytt haruss von Gennff gefaren unnd hette im

Hanns von Byngen im diesem zugen uff der stras ein mergklichen

sum furgesetzt unnd als Johannes Elhartt were zu im

gen Lentzburg komen da hett er unnderstannden in disen

zugen umb ettlich schuld so er diser zug Clewin Kung schuldig

were zeverbietten, da hette er diser zug demselben Hannsen

von Byngen die ross schiff unnd geschirr zekouffen geben

unnd in krafft desselben were Johannes Elhartt derselben

Clewin Kungs schuld von im disem zugen

uff Hannsen von Bynngen komen und im ouch

zuo gesagt dieselben schuld zebezalen unnd hette

ouch Hanns von Byngen im disem zugen dieselben schuld

ouch zu geschriben, uff das hab er demselben Hanns von

Byngen dieselb unnd ander schuld bezalt bis an einen

halben Gulden. Er diser zug hab ouch Johannsen Elhartt

nit me denn v gld an den costen unnd nit an die

schuld geben denn Hanns von Byngen hette die houpt

schuld uff sich genomen die er im ouch wie obstatt

mit sampt annder schuld bis an i g bezalt hab.