[Zeugenaussage für Johann Elhart gegn Johann von Byngen]

Hanns Kulner der kouffman burger zü Basel hatt gesagt daz

sich in vergangen iaren begeben daz im disem zugen Johannes

Elhartt ouch burger daselbs, einen schultbrieff, wisende

uff Hanns von Bynger xiii ffl gld zu nemlicher

zytt zebezalen innhalt desselben brieffs, uff geben unnd

in daby gebetten die selb schuld von Hanns von Byngen

zeerfordern unnd in sinem namen ze empfachen, welichen

brieff er dyser zug mit sampt solicher Johannes Elharts

bevelch guttlich angenomen, unnd als er zü Hanns von

Byngen zu Gemff komen und da obgemelt an in erfordert

derselb Hanns von Byngen were im der xiii gld obgemelter

schuld gichtig unnd hette im in namen Johannes Elhartts

vi uttersch gulden an dieser schuld geben, die er von im

empfanngen unnd Johannsen Elhartt uberannttwurtt, er diser

zug hette aber den vermelten schultbrieff mit sampt

anndern sinem gutt nit nott zemelden uff derselben

reiss verloren, er wisse aber wol daz sich Hanns von

Byngen in dem seben brief den er diser zug gelesen

umb xiii gld uff nemliche zyle die verschinen weren ze

bezalende verschriben gehept hette, unnd wa er das nit

tatte was costen dann daruff gan wurde solichem costen

usszerichten mit sampt der houptschuld, da wisse

wol.