Test.. product p(er) Beatum (?) Wagner

frunden et amicus Jacobi Steinachers

dictum Algewers cloü (?) Arbagast Mar

Michel Wensler der buchdrucker burger zu Basel, hatt gesworen

unnd gesagt, daz sich begeben daz er einem genant Thoman Wisgerwer

zu Strassburg unnd einem andern ein thanen (?) mit

geschrifft oder buchstaben, umb xx gld (20 Gulden) versetzt hette, die uff nemlich zyle

umb denselben pfandschilling wider zelösen, als im derselben zyle sich erloffen

da hett er diser züg solchen pfandschilling nit er hett aber den obigen (?) Thoman

unnd den andern so witt erbetten, er wolle besechen ob er solich gelt uff

bringen unnd sin pfand wider zu im lösen macht [Einschub: guttlichst (...)] daz sy im guttlich ettlich

zytt zu gelasen uff das were er zu Jacob Allgower burger zu Basel

komen im gesagt wie solich geschrifft unnd buchstaben also verpfenndt

unnd er nit witter verzilung (?) haben mocht sunder wo er die nit loste so wurden

die umb den pfandtschilling vergan unnd demnach wü (weil?) diselben pfennder

(2)

das halben unnd mer besser denn der pfanndtschilling, so wer sin bitt an

in dieselben pfennder an sich zelösen unnd demnach er [Einschub: diser züg], demselben Jacoben

vorher ouch allerley schuldig were, die besserung derselben pfend

an sin vorderig schuld [Einschub: zenemen unnd die selben buchstaben] zebehalten unnd im das abzeschlachen. Solich sin

bitt angesechen hett derselb Jacob Allgewer im solichs wellen ingan

zugesagt mit den fürwortten dieselben pfender wellen lösen die xx gld (20 Gulden)

den pfanndtschilling obgemelt darlichen unnd bezalen aber im die

nit wider umb denselben pfandtschilling volgen lassen

sunder wes die pfender besser denn der pfanndtschilling were

das an sin alte schuld wellen behalten [Einschub: wie er sich des gegen im erbotten hett] das im diser züg guttlich

nach gelasen unnd im die pfender obgemelt also gelasen hett daz er

die mocht lösen unnd als das sin zü hannden nemen damit

walten und handlten als mit sinem erkoufften gutt doch die besserung

wie obstatt abzelachen, solichs nü Borg Wagner Jacobs diener Thoman

Gerwer zu geschriben ouch derselben Thoman Gerwer als er von Zurzach

nechst herab gefaren by im disem zugen zu Basel personlich

gewesen were da diser züg solich abred mit Jacob Allgewer

getroffen Thoman verkundt der gutt benugen daran gehept sunder

gesprochen hette, wann im Jacob Allgewer den pfanndtschilling

gebe so welle er im die geschrifften volgen lassen des sich dieser züg

gehalten unnd nach mals halten welle dem dieselben buchstaben

nach dem besluss obgemelt nit mer sin sunder Jacob Allgowers

dem er die in kouffwis gelasen hett gewesen weren.