Ann houptman Frolich

Unnser willig gehorsam dienst allzit zuvor an bereit

sonders bromen erenvesten her houptman, uwer ersam

wissheit well so frymutt und gütig und gnedig sin und

unser zimlich anpüssen (?) unnd drost und hilff ann üch

nach folgent furbitt ussgan lassen hoffnung uwern ersam

notwerst wyssheit gnedig statt zu erlangen, haruff unse

grüssi vermöglichen pfruge pitt an u e wissheit unns

furdruns gegen frantzosen thuon umb witter rhadt

unnd hilf alls formen taprern eydtgnossen und kargschen

welliche zall, uff 500 zusamen verpflicht verinbart

geschracks fürgenomen und dienst zu gsuchen (?) einichen

fürsten unnd herren umb zimlich billiche besoldung

erlich zu dienen, ursach die gross dery zitt armut

der zu nottige uss den eydtgnoschafft inn frembde land

der narung allein, durch der gerechtigkeit willen

kunglicher wiss ein herren suchen, dem selbigen

zu dienen, alls dan unser als vordren ouch gethan

haben erlich tapfer trüwlich dienen unser aller

er lib und gut darstecken, hilff trostlich zu solchen (?)

insonders mit gferigen (?) guten gunst willen ein mündigen

gemüt kungklichen maiestat zuo dienen, wo das nit

kein trost furdernuss gutten willen spürend oder befunden

am derselb kl. M diener so (?) den frantzosen, werdend

wir bapstlicher heilligkeit durch sin ermanung zu

ziechen, wölliche on zwiffel unser fre wirtt, wölich

erforderung noch nutzit zu gesagt, allein zeiwger

dis briefs waren was er von üch und dem frantzosen

für bescheid bringt, haruff, unser ernstlich pitt

(2)

uwer ersam vest wyssheit langt ir wellend uwer

notvest trewlich harin handlen, alls unser eyniche

trost zu uch ist, gantz one allen zwiffel zu uch hoffe

uwerns rhats trost und hilff nit versagen, sunders

unsers kleine vermögens nit verschmächen, wie

wol from ritterlich tapffer eydgen edel burger

und buren, iung und allt kriegslütt harinn vergriffen

sind, so dieser uffbruch geschicht uns wol wussen, uff

die zwey drü thusent nach volgen werden, geratt

wie gott wöll iren hiemit uwer fursichtigkeit under

thenig bevelch mit höchstem fliss zu verschulds

item (?) datum uff 20 wimonat anno 1551

Gemeinen kriegslütt so versamlet

sind by einandren, in der march Lachen

Raperschwil, Glaryss, Schwitz und Zug und

uss dem gericht Wadenschwil und ander

ortte der eydtgn

Uwer w e