Zwischen Iunckher Ludwig Kilchman innamen siner voggtochter

iunckfrow Otiliyenn sins bruders tochter eins und Claus

Einfaltig annders teils, der drizechen lb zinses, der

zinen, der brugkenn, unnd des rumens des sloss Angen

stein halb. Da ist nach allem furwennden erkanntt

dwil unnd Claus Einfaltig, der xiii lb zins anred unnd

bekanntlich ist, daz er dann iunckher Ludwigen darumb

ussrichten und als Claus Einfaltig vermeint im solle iii lb

unnd ettlich schilling etc so im iunckher Ludwig zetund sin solle

abgezogen werden, da solle im sin recht darumb vorhalten

sin. So dann der brugken halb ist erkanntt, daz bed parthyen

uff einen bestimpten tag, hinuss gen Angenstein keren, unnd

yederteil zwen man zu im nemen, unnd besichtigen lassen sollen

was zemachen not sin unnd yeden teil zetund ge-

bure, damit sellichs gemacht unnd kunfftiger schad fur

komen werd, unnd sellichs in xiiii tagen den nechsten geschen

selle so dann der zunen, des holtzes unnd des rumens des

(2)

sloss Angenstein halb da ist erkanntt daz bede pthyenn,

min herren die rett desshalb, um ir wyss botten anrüffen,

und versuchen ob sy selher stucken halb, guttlichenn

vereinbart werden. Beschicht das, wol unnd guott, wo

aber nit alsdann bede parthyenn widerumb in gericht

erschinen, unnd einen rechtlichen entscheid darumb empfachen

unnd daz sellich anruffen, umb die wisen botten ouch in

xiiii tagen den nechsten bescheen solle.