Zwischen Johannes Strub dem buchdrucker eins unnd

Veltin Gilgenstein annders teils, ist erkannt diwile

Veltin bekantlich ist das er von wegen Johannes ix lb

vi ß empfangen und doctor Windeck gesagt das im

ein bona ventura für ii lb unnd sust i lb worden

sye das Johannes Strub Veltin dieselben iii lb unnd

was Werlin Stucky unnd meister Hans Wesslin

worden ist Veltin an den obgen ix lb vi ß

abziechen unnd was Veltin Johannes darüber

schuldig blipt das solle im Veltin hinuss geben

und umb den costen mogen sy einander rechtvertigen

unnd deshalb gescheen lassen was recht sye, uff

das ist Veltin gebotten das er der urtel statt

tue in viii tagen den nechsten by v ß.