Zwischenn Meister Hanns Gerster als gwalthaber

der gesellschafft von Memingen eins und Claws

Riecher [Rand: und sinder husfrowen] annders teils, alsdann der gwalthaber begert

daz Claus und sin eefrow, swerenn sollen ze eigen,

 unnd zeigenn, Clausen mutter selligen nach tod

verlassen gutt. Da ist nach clag anttwurt

unnd allem fürwennden erkanntt, daz Claws Riecher

unnd sin eefrow, swerenn, eigenn unnd zeigenn

sollenn, alles ir mutter seligen, nach tod verlassenn

gutt unnd ob dann yemand einich ansprach daran

zehabenn vermeine, darumb solle gescheenn sovil und

recht sin wirt.