Ich Jacob Bratteler schulths etc. tun kunt daz uff hutt dat fur mich in

gericht komen sind der from Junckher Hanns Segenser, eins unnd

Claws Richer annders teils sachen halb alsdenn hievor

ein strittig hanndel sich zwuschen obge pthyen erhaben hatt von wegen

zweyhunndert unnd zwen unnd drissig gulden, so dann

durch wilent Heinrichen Rephun, an Clausen Riehers

laden der zytt sins wechsels gelegt

sind mit beger im die usszerichten unnd

als Claws Rieher solicher legung gedachter sum bekantlich gewesen

aber gemeint daz er Heinrichen Rephun

deren wider vergelten ussgericht unnd bezalt, innhalt sins  wechselbuchs

unnd siner eefrowen sag so an solich bezalung gelt gewert unnd

geben, wie sy dann das in recht gesagt hab, unnd ob im

utzit in recht zu solichem zeerstatten geburte oder erkannt wurd

mocht er wie ein frommer, wol tun. Daruff der vermelt Junckher

Hanns furtragen, er welle nit hoffen daz Claus Rieher der eyd

mit urttel erkannt werden denn wa das bescheen

als er nit hofffen so welt er dartun, daz Clausen solichs

eydes zeerstatten nit zeim offenen gericht zugezogen in dem

daz sy geredt hab das Claws Rieher nit gutt sye

daz sy in in iren verschribungen haben noch nemen

welle, dann der selb Claws hab wider sin eigen brieff

unnd sigel gehandelt. Zü dem sibenden unnd letsten,

so sye wissentlich daz des so in versatzungen verswigt

und daruber behaltet witter nit stan solte, daz der zu

keinen eren noch glouben glasen werden sol, alsdenn

solicher unnd annder glupten halb von einen ersamen

ratt in all zunfft zedel geben unnd gebotten worden

sye solichs abzestellen by bestimpter peen ouch das blow

buch so die gedachten min herren die rett solicher unnd

annderer ordnunng halb innhaben, das auch lutte rinnhalt,

in was peen ein yeder solicher ubertretter gevallen sin solle.

Unnd uff solich dargetan ursachen Junckher Hans Segenser

vermeint unnd trostlichen verhofft hatt, dwile die wider

pthye mit solicher

schuldigung dar getaner ursachen verfleckt sye, daz dann

derselb zu keinen eyd gelasen werden solle, Claws

Riehr liess wider solich artickel furwenden,

uff meynung sich ze entschuldigen

unnd die furgehalten artickel zeveranttwurtten wie

denn das in siner anttwurtt vernommen, daruff

von Junckher Hansen wegen geredt ist, so vern und

Claws Rieher on alle furwortt glouben welle daz er

(4)

lutt siner dargetanen articklen verhanndelt hab, wol unnd gutt

wo er aber das nit glouben so welle er das furbringen.

Als nu Claws Richer solichs annders nit denn lutt siner

gegeben annttwurtt gehandelt haben sonnder vermeinen wolt daz

durch den widerteil nit so vil dargetan were, daz er

darumb so witt entsetzt daz er zu glouben des eydes

nit gelasen sonnder erst clag ledig erkannt werden solt.

Also nach allem anziechen unnd

furwenden von beiden teilen bescheen so ward uff dem

bescheen rechtsatz der pthyen erkannt, demnach unnd

Junckher Hanns Segenser vii ursachen dargetan unnd

in gericht erlitten lasen, damitt vermeinende, usszefuren

daz Clausen Rieher sins eydes nit zevertruwen sin solle, sover

Claws Rieher on alle furwortt die selben dargetanen

artikel glouben welle, daz dann

daruff bescheen solle das recht sin wirtt, wa aber

Claws Richer dieselben artickel nit also an furwortt

nit glouben wolt daz dann Junckher Hanns Segenser

vermessen bybringen gehort werden unnd aber daruff

das billich sin wirtt ergan solle, doch heir inn dan

gesetzt den artickel Clawsen Riehers getane urfecht

berurende, demnach derselb artickel die heimlicheit

eins rats ettlicher mas betrifft, das desselben artickels

halb keins furbringens nott sy sonnder

disen zytten in ruw solle bliben anstan, uff solich

urtel [Rand: Claws Rieher nit hatt wellen glouben sonnder

Junckher Hanns uff sinen verniessen furbringen verharret unnd] diser ergangen inerlocuteri

urkund begert mit ussnemung der rechtlichen tagen

wie recht sye, das im mit der urtel zuglasen ist.