Uff anrüffen Hanns Eglins innamen siner husfrowen

als er offnett wie sich dann ein gerichtzganng

zwischen Andres Krepfflin, und siner husfrowen er

hept [ettlichs gelts halb] darinn Anndres kuntschafft ze leytende erkannt

wordenn und aber sellichem witter nit nachkomen

noch die kuntsch stellen tett, deshalb sin beger wer

in innamen sinder frowen sellicher anforderung und clag

lidig ze erkennen mit ablegugn sins erlitten costen.

Da ist erkanntt dwyle und Anndres vormals manige

uff zug im rechtenn gehept, die kuntschafft zestellen,

unnd uff hutt aber nit erschin noch die kuntsch[aft] stelt

daz dann Hanns Eglin, dwyle und das ge-

richt tue sitzen warten, kom dann Anndres, wol und

gütt, wo aber nit daz dann Hanns Eglin innamen

sinder frowen sellicher clag und anforderung, lidig sin

soll. Uff das ist Anndres nit erschinen.