Uff anruffen Hanns Zimermans als er offnet wie

im erkant were daz im Hans von Lor, iii lb usrichten

unnd die ellenden herberg umb x lb versichern solt

innhalt derselben urtel, uff solichs in denselb Hans

von Lor, geslagen unnd deshalb zu costen und schaden

gebracht hab, mit beger einer frag wie er sich

halten solle so doch derselb Hans von Lor sich hin undennag (?)

getan unnd sin bruder desselben gutt understand zevertriben

(2)

damit er zü erstattung der urtel unnd ouch

ablegung sins costen und schadens komen möge,

da ist erkennt, daz desselben Hansen von Lor, gütt beschriben

unnd min hr schulthein behandet werde, und ob

des gedachten Hansen von Lor brüder, desselben gutts utzit verkoufft oder verruckt

hett dasselb oder das erlösst gelt ouch zelegen, unnd daz

alsdenn der gedacht Hans zimerman daruff faren mög so lang

bis das er als obstatt ussgewisst unnd vernugt wirtt.