Ich Jacob Bratteler Schulthes et, lass dich Balthasar

Stosskorb burger zu Basel wissenn daz uff hüt datum fur

mich in gericht komen ist Hanns Brenner, von Kilchheim,

offnet wie ir dann dir ettliche halb fuder win, umb ein summ

bar gelt in verganngen tagen zekouffen gebenn hab, denn

er von dir noch nit bezalt desshalb sin beger sye, an einer urteil

ze erfaren, wie er sich haltenn, damit er bezalung von dir

bekomen möge et., uff sollichs ward erkannt, dir das

zeverkunden, unnd ob du utzit darzu zereden haben vermeintest

daz du das durch dinen volmechitgenn anwaldt uff montag

nechst nach sannt jacobs tag des zwelffbotten schierist komende

zu fruwer gerichttzit tun sollest et. harumb verkund ich dir das etc.

uff den obgen montag.