Anrede und Bekanntnis zum Gehorsam auf einen Brief hin.

Demnach unser musterung und pzallens halb,

sind wir zum theyll nit woll zefriden, dan man uns merels

latt, zwen manatt zämen khomen, pzaltt auf den nünden, einen,

und noch ietz zelerst, ist uff den 28 dag win manatt

an uns erfardent worden, wir söllend uns lasen musteren

den i herpstmanatt, welches mir dem herren, maeryschall

abb geschlagen, und hiemitt angezeigtt, das wir nach eidgno-

syschem bruch, und lut unser pstellung, nitt schuldig

so und ein manatt fergangen, uns den selben erst lassen

musteren, dan sich all wägen zudreid das erllich knecht

uss nott wendig keit irer geschaffen, heimfarren müssen

wie kkönnen wyr auf den sölchen fergangne manatt, musteren

lassen, die wyll wyr die sälben knecht, uff pzaltt,

unnd uber uff der musterung nit sin könen, hand

uns aber keiner eerschlassen (?) im wasmanatt wir

sind, old dienend, es sy am anfang mirell (?) olld

(2)

uff den letsten dag, so man unf musteren und pzallen, wellen

wyr gutt willig erfunden wärden, und darmit aber

der her marischal, und mencklich mer moge däncken

wir habend mit unser zall, und rech gechaffen, kriegs

lüt alls wir dem schuldig, sind mir den heren zegfallen

ein ieder in sunderst, mit sinn fendly, uff zogen und uns

lassen geschowen und eyge lich abzellen, fall doch kein,

musterung genemtt würde, derhalben der her maryschal

und ander mit uns gar woll zeffriden, unnd ab uns und

unseren geselschafften ein gnügsam wollgefallen haben.

Dyse meinung hand wir dem küng zu schryben lassen

sind guter hoffnung, es werde ein fürhin, statt und

ordnung dar zu gäben wärden, das wir bass, dan noch byshar

bezalt wärden, wie woll die knecht noch nit sonders mangell

an gält gehan, den wir mithin entlennt, und inen

fürgeseztt, und noch ietz zeletst aber erllich knecht

so uss nott wenigen geschäfften wegen gezwungen wärden, heim

zeffarren, (und man aber inen den win manatt noch

schuldig), han ich inen fürgesagtt glichen und erlich

gar pzalt, so wytt min vermogen gsin, dar mit sy

mogen heim kon und iren schaden for sin, ich

nüwer zytung und kriegs habl, weys ich uff dysmall

nütt zeschryben, dan die sag by uns ess komme nach ein

grossen züg zu uns uff Franckrych, ich achte (wans geschaden)

...

Schlussworte

Lux Ritter