Da gibt zekouffen Claws Fritz der wagner unnd Katherina

sin eefrow mit im [...], dem wolgelerten meister Ulrich

Muller wissenschaftter schaffner der herren zu sannt Petter

der innamen derselben unnd aller ir nachkomen,

recht und redlich koufft hat, ii gl geltz gütter rinischer in

gold, oder i lb v ß für yedenn gulden, zegeben hinanthin

jarlichen uff sannt Jörgen tag mulnis (?) von uff und

ab irem huoss unnd hoffstatt genannt zum Enngel mit

aller siner zugehord, als daz inn der statt Basel an den Spalen

in der vorstat nach by dem ussern thor neben dem

huoss Meyenburg, zer einen und Michels des Wagners

huoss zer anndern syten gelegen ist, zinnst von eigen den herren

zu sanntt Lienhart xii ß gewonlicher Basler gewonlicher

zins den furer (?) Unnd ist der kouff bescheenn umb xl gl

rinscher oder i lb v ß fur den gulden, dern (?) Uff das

so glopten die verkouffere dem kouffer innamen wie obstat

diss kouffs unnd verkoufften ii gl geltz von uff unnd ab dem

obge[nannten] unnderpfannd unnd ob daran abgient ab allem

anndern iren guttern, ligend unnd varrend gegenwirtigen

unnd kunfftigen gutt werschafft zetunnd, darzu diss underpfannd

in gutten bwen (?) und eren zehalten, mit solhen geding wa

sy oder ir erben das nit tatten unnd an bezalung des zinsses

sumig wurden, oder dem kouffer innamen obstat oder iren

nachkomen sunst kein anndre kamber darinn uffstunde,

daz man dann inen darumb möge pfennder usstragen als umb

boden zins nach recht und gewonheit der statt Basel oder

aber das obge(nannte) unnderpfannd unnd ob daran ...enung (?), all

anndere ire guttere ligende und varende möge angriffen biss

zu bezalung versessnen zinssen mitsampt dem costen.

[Rest unleserlich]