Test(..) pductus p Mathis Bratteler

conntra Junckher Hanns Heinrich Grieb

[Rand: von Oberwyl] Hanns Diethelm hat gesagt das sich in vergangen tagen be-

gebenn hab Mathis Bratteler von Clewin unnd Lienhart

Sütterlin ein gutt zu Byningen abkouffen wollte und desshalb

red mit ein annder gehaltenn hatten die Sütterlin Mathis

Bratteler vor zu gesagt wo das nit mit gunst und willen

Junckher Hanns Heinrich Grieben, zu gan mechte unnd

Mathis für ein zinsman uffnemen welte. Sollte der kouff

nütz sin. Uff elliche abredung war er diser züg unnd

annder mit Mathis Bratteler zu Junckher Hanns Heinrich

gangen unnd solliche abredung [gestrichen: fürgehalten. Nemlich]

[gestrichen: diser züg] fürgehalten hette Junckher Hanns Heinrich gesagt

[Einschub: Er welte nutzit mit im zeschaffen habenn demselben nach were Mathis uff ein zit widerumb]

[gestrichen: Mathis Bratteler solle im das offnen dann er verstund

in disen zügen nit. Sollichs Matis getan unnd im den

kouff also geoffnet unnd in daby gefragt ob er in für ein

zinsman uffnemen welte. Hette im Junckher HAnns Heinrich

daruff geantwortt er konnde] unnd mochte yetz mal anndere

siner herren der Reten geschefften halb [Rand: mit im riten] [gestrichen: unleserlich]

sellten im einen bestimpten tag setzen so

welte er selbs mit im hinuss ritten und Mathis alle

gelegenheytt zeigen desselben gutts [gestrichen: doch dem selben

were Mathis Bratteler] zu im disem zugen [Rand: unnd anderen] komen, unnd für

gesagt er were by Junckher Hanns Heinrich Grieben gewesen

der hette im zuogesagt welte er den kouff tun so welte er in

für ein zinsman uffnemen. Demselben nach were er

diser zug unnd annder mitt Mathis Bratteler zu Junckher

Hanns Heinrich ganngen unnd im Mathis Bratteler

furgehaltne wort geoffnet unnd hette inen daruff

geanttwurtt [gestichen: es wer was (?)] unnd wlte Mathis fur

ein zinsman uffnemen unnd verner er sin begarten (?) so

wellte er im hoch und nider dienen kornn unnd gelt lichen

sover (?) bedurfft, unnd wo [gestrichen (?)] er nit hette

(2)

oder im an dem guot abgiennge wellte er im erstatten [Rand: und ersetzen mit acker matten in gutter warschafft]

Ouch die versessen zins so er Junckher Hanns Heinrich noch

uff dem guott hette welte er Heiny Kruttlin vertruwen (?)

unnd Mathis Bratteler unnd allen sin erbenn darumb

nit anheyschenn sonnder sy unnd das gutt selher zinss

halb ruwig lasen. Er Junckher Hanns Heinrich hette

ouch witter gesagt es werenn noch dry ichartt acker

ennhalb der stattgraben, im Letten gelegenn,

die Connratt Gutzwyler innhette die ouch zu dem gutt

gehortte deshalb er uslugen sollte ob er die ouch zuo dem

gutt bringen mochte. So wellte er im darumb hilfflich

unnd bystenndig sin wie einem zinsman.

Clewin Sutterlind unnd Lienhart Sutterlin gebruder

gehellenn obgemelter sag von wortt.

Ulin Fritschen von Binigen hatt gesagt das sich in vergangen

zubegeben hab sye Mathis Bratteler zu Binigen zu im diss

kamer unnd im der gelegennheytt des gutts zu Binigen ge-

fragt unnd in desshalb darinn rätlich zesin [gebeten?] sellichs er gern

unnd mit im hinuss ganngen were unnd im sellchen acker [Rand: dann er den Kruttlin ein guott abkouffen wellte]

unnd holtz unnd was er deselben guts gelegenheytt

gewysst gezögt hette. Darnach werdenn die Sutter-

lin und Mathis desselben kouffs unnd gutts halb

ubereins worden also dass im sellich gutt nit annders

zekoufffen gehept unnd der brieffen sag so Junckher

Hanns Heinrich darumb innhete unnd nach lanntrecht

unnd vor bessluss des kouffs hette Henry Kruttlin geredt

was versessner zins noch uff dem guott stunde welte

er Heiny Kruttlin uff sich nemen unnd die ussrichten unnd

Mathis Bratheler sin erbenn noch das das gutt gantz nutzit

berüren sollten.

Heinrich Diettelin gehilt erstgemelter sag vn wortt zu wort.