Test pductus pro Petter Michel con

Hanns Kuffer von Blansingen

Clewin Yseman von Blansingen hat gesworen unnd gesagt das im

wol kundt und wyssen das in den vergangnen turren iaren, herr

Hanns Hegk wyllentt kilher zu Kleinenkemss zu im disem

zugen komen und mer dann ein mal von im gehortt hab daz er

Petter Scherer wylennt vogt zu Blansigen ein viernzal kornn fur iii

lb pfennig gelichenn derselbig scherer hette ouch darnach sellich viernzal

kornn einem andern umb iiij lb geben, dess in den kilchhern verdrossen

hette nu nach abganng beder personen hab sich begeben das Petter

Michel als erb Hr Hannsen Hegkenn seligen unnd die erbenn Petter Scherers [Einschub unleserlich]

selligen, desselben viernzal kornns halb zu gerichtz gangen komen unnd

zu letst, mit urttel von ein annder gescheyden worden syennd. Also das

Petter Scherers erbenn Petter Michel desselben viernzal kornns halb ussrichtung

zetund nach gewonnheytt des gerichtz zu Blansingen. Nemlich in

achttagen daz noch nit bescheenn sye wytter.