Testis productus pro Fridlin Geltzlin de

Dillico conntra Hanns von der Nüwenstat

Richartt der amptman hat gesagt das sich in vergangnen tagen

begebenn hab sye Hanns von der Nuwennstatt zu im disem

[Rand: Peter von Busch] zugen komen und in gebetenn, im Fridlin Geltzlin hie

zu recht zebehaltenn, dann er im schuldig were solhs

er getan unnd fridlin daruff geanntwurtt ette er

were doch Hannsen von der Nuwenstatt nützit schuldig

dann er nit von Hannsen sonder von Franntz Trutlin

koufft hette dem selbigenn er schuldig were. Uff sollichs

hetten sy Franntz Truttlin zugen gerufft unnd Hanns von

der Nuwenstatt zu im gesagt, das die schuld so im Fridlin

Geltzlin zetund were im zu gehortte da hette Franntz

Truttlin gesagt die schuld so Fridlin Geltzlin schuldig, Hannsen

von der Nuwenstat unnd nit sin were. Sollichem

allem nach werenn dy hie desshalb zu rechtvertigung komen

da were erkannt worden wo Hanns von der Nuwenstat

einen eyd sweren möge das die schuld in unnd Franntz

Truttlin nit berurtte so soll [gestrichen: in Fridlin Geltzlin derselben

schuld halb ussrichtung tun sollt] uff selhs hette Hanns

[Rand: furer (?) geschrie (?) wabacht were] von der Nuwenstat den eyd nit wellen swern unnd

Fridlin Geltzlin sinen costen daruff erfodertt da hette im

Hanns einenn schilling darfür geben wollen.

Desglichen Hebdenring dann daz er nit daby gewesenn sye

als Fridlin Geltz zu recht behalten worden were.