Testis productus pro Hanns Ryer,

conntra Paulin Matter

Hanns Miller zu Plotzen hatt geschworen unnd gesagt,

das sich in vergangen zytt by den xv iaren [ungevarlich] begeben

hab sye Hanns Ryer der Swertfeger gen Blotzenn konn

unnd den vogt unnd amptlutt, daselbs gsucht unnd

gefunden unnd sy gebetten, dem tempellman pfender

für sind schuld zo er im zetund were, uss zetragenn uff sollchs

hetten in der vogt unnd amptlutt gebetten [Rand: die sach] lassenn

anstan, bys morgenn so welten sy guttlichen darhin

hanndlen damit er vernugt werde. Sollichs er inen zuge-

sagt unnd getan hette, unnd waren uff den anderenn

tag [Rand: mit namen Hentzymann

Hug sutter, Pfennigman

und einer genannt Switzer

mit dem Swertfeger] in Hanns Tempelmans huoss komen, unnd von

den sachen geredt, [gestrichen: also, das solchs] unnd beschlossen also,

daz Hanns Tempelman, den Swertfeger siner solh schuld,

wievil der aber gewesen sye wysse er nit, burgen geben

sollte, zu bestimpten zylenn zebezahlenn, sollchem nach, da

konnde der Tempellman, kein burgschafft funden, unnd

spreche daruff zum Swertfeger, wolhin wiltu mir

der schuld nit wyssent.