testis prductus p Heinrich Swartz

contra Conradus Swartz frem (?) de Mutzentz

Hanns Ulrich Munchenstein der Ratzkecht zu Basel hatt

gesagt by dem Eyd an sin ampt getan, daz er ein unnzel

Korngelts [jerlichs zinss] uff einem huss oder hoffstatt zu Muttenz gelegen

gehept unnd nach hab unnd als im in verganngner zytt ettlich

zins derselben gult versessen unnd uffgeswallen da wer er diser zug

zu Conrat Swartz von Müttentz kommen unnd hett [zu im] geredt

wie er unnd annder im ettlich versessen zins schuldig weren mit

beger im dran ze entrichten, daruff im Conratt geanntwurtt

Heinrich Swartz sin bruder hett der merern teil an dem gutt

darauff der zins stund unnd wer treger deshallb so hett er Conrat

Swartz, im Hansulrichen nutzit zetünd und mocht sin versessen

zinss an Heinr suchen uff das hett er Heinrich Swartz umb

die selb vordrung mit geistlichem gricht zü Bern (?)

gebricht und erlangt daz er im ussrichtung hett mussen tun

mit dem im hett ouch derselb Heinrich bissher den

gantzen zins geben unnd sich als treger desshalb gegen in ver... (?)