Testis pductus p Peter de Wissenburg

con    de Friburg

im Ochtland

Hanns Slecht der Seckler von Bernn hatt gesworen

unnd gesagt daz er in verganngen

zytten mit     dem Wissgerwer von

Friburg uss Ochtland von Zurzach heim gezogen

were also hett der selb      im disem zugen

unnder anndern reden so sy mitteinander gepflegen

gesagt wie er die nadlerin zu der heiligen genommen

unnd hett doch wol annder hyratt funden denn

den selben so er mit der nadlerin getan unnd

in sonnders hett er im gesagt daz sy vil schuldig

were das sy im verhalten [vorenthalten, verborgen, unterschlagen, Idiotikon, Bd II 1233] sonder wa er dasselbs gewisst

hett er were ir müssig gangen, da er diser zug

seliche wortt gehortt hett er gesprochen nü ist die

nedlerin unnd ir vorderens man Peter von Wissenburg

zü Basel ouch erbarlich schuldig [Rand: im die selb schuld sagende] und in daby gefragt

ob sy im die selb schuld ouch verhalten hett oder nit

daruff geb im disem zugen der obge[melt]

annttwurtt ia sin eefrau abge hett im wol gesagt

daz sy Peter von Wissenburg schuldig were aber nit so vil

angeben als Petters schuld were

unnd hett sich uber gehept witter etc.