Testis productus pro Vidman zum Snabel

conttra Michel Galician

Junckher Hanns von Wunegk hat gesagt by dem eyd

an sin lechenn getan, daz sich in verganngner zit begeben,

das vogt Michels seligen eefrow ettlich kleinotter

hinder die frowen zum Snabel als zu getrewen ge-

meinen hannden als sy im disem zugen gesagt, gelegt

haben solt unnd aber die frow zum Snabel im disem

zugen gesagt, dass vogt michels seligen eefrow solche

pfennder in underpfannds wyse, hinder sy gelegt

haben solt, sellichem nach were uff ein zitt vogt

Michels seligen eefrow mit dem Slattmeyger als irem

vogt zu im diesem zugen komen unnd in gebetten mit inen

zu der frowen zum Snabel zegennd unnd sy irer spenne

so sy mit ein annder hetten, zebetragen. Sollichs er getenn

unnd die frow zum Snabel viij ungevarlich gefordert

hette daruff er dieser unnd ander, die zum Snabel unnd

vogt Michels frowen selch spennen betragen hetten. Also daz

vogt Michels frow, der frowen zum Snabel fur die viij lb

geben solte vi lb unnd die zum Snabel die selben kleinotte

in iarsfrist nit vertriben sonnder die bis zu ennt-

ledigung behaltenn solle.