Testis productus por Ludwig Davidt

conntra fratrum simon (?)

Lienhart Langmesser, der metziger hat gesworen und gesagt

daz er unnd Conrad Davidt ungevarlichen by drü oder vier

iaren lanng meinder gewesen also wann sy bede mit

ein anndern uff die merckt gerytten syenntt welcher teyl

dann mer geltz in dem kouffen usgeben hatt der hätt dasselbig

wann sy widerumb verkoufft hatten, widerumb vor danno

genomen, und dannathin das uberig mit ein annder geteylt

und sust kein annder houptgutt mit ein annder gehept, es

begeb sich ouch uff ein zit daz er diser zug uff ienen merckt

da Conrad nit mit im ritten welte da ware er diser zug

zu Caspar Davidt ganngen unnd gefragt, warumb Conrat

sin bruder nit mit im ritten welte, hette Caspar gerdet,

er wysse daz nit Conrat Davidt unnd sin vatter werenn

uneins mit ein annder, aber daz er diser zug wysst warumb

Conrat und sin vatter mit einnander uneinig gewesen

wer wisse er nit.