Min underthenig ghorsam...

...uff myn vorigs schriben so ich u g gethan

von wägen wie dass amm portt Malta sigend vier

gallen zu grund gangen ist alles war, und ist

also zuo gangen, als sy im port glägen und by der

nacht ire schiff versorget und die gallen vermacht

und zu deckt ist ein grosser strum wind khomen

und die gallen zuo grund gricht, darinn sind

by 500 pärsona gsin, und under den säöbigen sind

by 250 gfangen und eigen lüt gsin, die man

hette mögen wol umb 6000 kronen verkhouffen, on

die anderen so nit gfangen sind gsin, an denen 4

gallen will g h inen wider mit gfangnen unnd

eignen luthen hälffen, als vill als siner heill(eitt)

müglich ist, ouch so will in k m 2 gallen gäben

sind ouch der hoffnung der kheisser werde ina ouch

hilff thon damit und sy ires schadens mögend wider

zuo khomen, ouch des mussers halben ist wan das er

gstroben, hatt ouch uber alls das so er verbuwen und

sunst costen ghan ein grosse zall silber gschier und klei-

nett verlassen, und hatt nach zuo Venedig 400000

kronen an barem gält ver lassen, witters so ist uff

(2)

dem 21 diss der Cardinal von Luttwinga hie har

khomen...

(3)

Grussworte, 23.11.1555

Jost von Meggen