Testes producti p illam de Rubeo Vexillo

contra Franz Galitzian

Michel Furter der Drucker hatt gesagt, daz im verganngen tagen

doctor Anndres die fraw zum Rottenfan unnd ander

ir geselschafft gebetten hetten ettliche bucher inen

gen Franckfurtt zefuren unnd dieselbs zeverkouffen, daz er angenommen

unnd sye Frantz Galitzian zu im zu Franckfurt kommen unnd

hab an in begert im von denselben buchern so im disem zugen

als obstatt, bevolhen weren, zugeben so welt er sy hin in gen Lips

zu sinem vatter furen da nü er diser zug wol gewist daz der vatter

auch in abberurter gemeinsch were, da gab er Frantzen

fur vii gld oder daby bucher als er nü harkommen, unnd die rechnung

der unnd annder bucher in by wesen Frantzen Vatter unnd anderer

gemeinder bescheen unnd die obgemelten vii gld Frantzen vatter

zu geschriben unnd gelesen werden da were er zornig worden unnd

wolt die nit uff imselbs haben da hett Frantz es irte nutzit man

solt im Frantzen dieselben vii gld zuschriben er welt die bezalen

also were die selb schuld so Frantz uff sich genommen

hett der zum Rottenfan worden.

Niclaus der Trucker von Strassburg hatt gesagt daz er by der

rechnung gewesen sye, wie denn Michel Furter in besluss sinder

sag gesagt unnd hab dieselb rech gehort unnd gesechen

nemlich daz Michel darlegte vii gld wertt bucher so er Frantzen

geben unnd Frantz die sinem vatter zu schriben lasen da das

der vatter gehörtt hett er uff im nit wellen haben sonder were zornig

worden da hett Frantz geredt es solt nit irrung haben sonder er

welt die selb sum usrichten wie Michel gesagt hab.