Jürg Wetzel deckermeister (?) zu Sannt Jacob hat ein eid gesworen unnd

by demselbenn eid geseit das sich vor ettlichen (?) tagen gemacht habe

hab Jörg Munnemacher Junckher Rudolff Schlierbach zu Sannt Ja-

cop holtz gehowen, da sy her Hug zu Sannt Jacop zu Jörg Mun-

nenmacher kommen unnd habenn miteinander in (...) geredt das

diser gezug nit verstannden hab, dann durch wise unnd wesen so sy

als im luten gegen einander gebrucht habe er vermerckt das sy

zwenig (?) ubernander gewesen sient. Da habe Jörg Nunnenmacher

gesprochen zu hr Hugen Ri sye ein lutbeschysser unnd er habe

sin unnderthon beschissen da sye hr Hug (...) vonn im gangen

unnd gesprochen zu Jörgen wenn du das sprichts so lugstu als ein

lecker unnd ein bub der du ouch bist. Da zennet sich Jörg Nunnen-

macher gegenn hr Hugen unnd spreche in inn der mass kreben,

unnd spreche Jörg Nunnennmacher witer zu hr Hugen du

schnöder pfaff du bist ein wissentlicher dieb das will ich dich be-

setzten, da her greiffe diser gezug Jörg Nunnenmacher by ein arm

(2)

unnd zuckte aber hr Hugen stein und Jörg Nunnenmacher sin ax

unnd kemen doch nit zu samen witer noch mer sy im nit zuo

wissen.

(3)