Testis productus por Hanns Zimmermann

conntra Clewin Bart

Agnes Fedeche hat gesworenn unnd gesagt daz ir

bruder seliger Petter Fetdich, vor funnffunnddrissg iaren

mit tod abganngen sye unnd davor ein gutte zit davor,

einen rebacker in der Breytin gelgen, von Hannsen Gerlas

vatter seligen erkoufft hab, den selbigen acker

der selb ir brüder dannathin Clewin Bart zekouffen geben,

umb xx lb [Rand: unnd i lb goltz uff den gartten geslagen] unnd als ir bruder mit tod abganngen da hette

in ir vatter selliger geerbt und als ir vatter der ellenden

herberg xv lb d, schuldig gewesen were, da hette er den

selben Clewin Bart der ellenden herberg umb selh xv lb

bekanntlich gemacht, unnd als er daz pfund gelts abgelest

da hette man iren vatter seliger funff pfund von der ellenden

herberg mogen harus gebenn, der selb Clewin Bart hette

ouch selh lb gelt irem vatter desglichen der ellenden herberg

bis zu ablosung gezinst.