Testis productus pro Rotenbach

contra den von Efringen

Lienhart Riby hat gesworen unnd gesagt, daz es

yetz zu herbst nechst verruckt ein iar gewesen syg

hette im Claws von Effringen ein su, umb xxxv

ß d, zekouffen geben, unnd im zil darzu gebenn

bis [mitfasten], unnd als sellich zit verschinen were

Claws von Effringen aber gen Mulberg [uff donnrstags nach ostern darnach] mit swenn

komen, da hette er diser zug, im geben an obge-

melte sum i lb vi ß unnd das uberig gelt nemlich

viiii ß d hette er

diser zug Clawsen von Effringen geben, uff donnstag

nach des heiligen crutz tag zu herbst nechst verschinen,

es were aber sellich viii ß d in mittler zit zweymal

durch einenn metziger knecht erfordert worden, wes

aber daselb knecht gewesen sye im nit zewissen.

(2)

Hanns Metzger, hat gesworen unnd gesagt daz sich in

verganngen tagen begebenn hab, sye er Hanns Rotenbachs

knecht gewesen, unnd als derselb Hanns Rotenbach

unnd Claws von Effringen swin mit ein annder gemein

gehept, unnd die geteilt, da hette sy sellich teylung

[Rand: xiii tag vor sannt verenen tag] uff irem zunffthus getan, daby er diser zug gwesen

sye unnd als sellich teilung gescheenn were, hette Claus

gesagt, wie sy der sw tun welten so sy

noch zu schopfen im saltz gemein hette Rottenbach ge-

anntte er welt sine teyl han unnd dannathin nutzit

me mit im zeschaffen haben, unnd welher teil

vor dm anndern gen schopffen keme derselb selt sin teil nemen

darnach hette im Rottenbach allenthalb geschickt sin

schulden inzeziechen unnd als er gen schopffenn komen,

were unnd sins meisters teils, an der sw verkouffen welt,

da hett sy Claws vorverkoufft, Claws were ouch

in der teylung bekanntlich gewesen daz er vi crutzer

von Rottenbach umb saltz empfangen, unnd darzu

geredt ob sich heinach erfunde, daz er ze vil ingenomen

hette welte er Hannsen Rottenbah wider geben.