Johannes des gerichtschribers knecht sagt mit erbietung

sin recht darumb zetund, wo er des nit erlassen werd

daz uff einen tag, wie dann die geschrifft uff dem schuld

brieff anzeig, Hanns Gasser und Steffan Pfluger zu im

in das richthuoss, als das gericht uff gestannden kommen

weren, unnd in gebetten, uff den vorge schuldbrieff ze

schriben daz Hanns Gasser funff gulden an sin schuld

von Steffan empfanngen, da hette Hanns Gasser an

fachen zereden, unnd vermeint man solt im uff den

brieff schriben daz er v gl von einem scherer doch an sin

schuld von Steffans wegen empfangen dwyl im doch

Steffan dieselbs nit gebenn hette unnd hetten also

deshalb ein langen span mit ein annder gehalten

unnd welte Steffan vermeinen, dwyl er die in sinem

namen empfangen hette so solt er lassen schriben,

die vor im empfanngen haben, doch zu letst wern,

sy eins worden, daz Hanns Gasser schriben liess er hette

die von Steffan empfanngen wie dann die geschrifft

das anzeig.