Testes pdcutus pro Johanni Murer

tufreinn (?) contra Martin Schranck

von Olten

Claws Furbach von Sliengen hatt gesworen

unnd gesagt, daz sich in vergangen tagen begeben

daz Hanns Murer ettlich win gehept die er gern

verkoufft hett, also weren Martin Sranck zü red

mit demselben Hans Murer des wins halb komen

in meynung den zekouffen, unnd der bezalung

halb hette der gedacht Martin nit bargelt gehept

sonner geredt den win uff borg zenemen welt

er das gelt Hansen Murer by disem zugen nach

unnd nach zu schicken, also hett diser zug zü den

dingen geredt also was im Martin

ussgeb das er Hansen Murer geren anttwurtten

(2)

und also weren sy des kouffs den win eins

worden unnd hett Martin zügesagt das gelt

by im disen zugen zustenden (?) aber wie hoch oder

in was gelt der besluss bescheen sye im vergessen

unnd sye nit an Martin Sranck hette disem zugen

me denn ein mal gelt an dieselb bezalung uffgeben

das er Hansen Murer allwegen uberanttwurtt unnd

begert hett das uffzezeichnen damit kunfftig

irrung vernutten (?) blib, daz er aber

wissen mag wie vil im Martin uffgeben das

er uss gedechntnus gelasen wol sye war an

dem letzsten hett Martin Schranck im disem

zugen zwen v..risch gulden uffgeben die er

ouch Hansen Murer uberanttwurtt unnd

uber daselb were nach ettlich gelt by der

selben schuld ussgestanden wie vil sy im

disem zugen ouch vergessen.