Jörg Wacker hat geschworen unnd gesagt Uolrich Zuom Wald

hab im disem zugen, vor dem zunfftmeister versprochen

unnd verheissen Hannsen Schlageter umb die schuld so

Uolrich obgemelt, im disem zugen, schuldig gewesen sye

uszerichten, wo er aber das nit taette, mochten und

sollten er diser zug unnd Hanns Schlageter in dem wirtzhus

zum Storggen uff in leisten und zeren, so lang biss inen

von im Urlichen usrichtung unnd vernugung beschehe, er

disr zug unnd Hanns Schlageter, als inen kein usrichtunng

beschehen wer, solichs getan, unnd in dem wirtzhuse

obgemelt geleist unnd zezert hetten, unnd us dem

gemelten wirtzhus. Aber doch nü umb vermidung

grössers costen so in gemeltem wirtzhuse, uff Uolrichen

zuom Wald geloffen, in das wirtzhuse züm Schwartzen

Riden komen weren, er diser zug gennd, unnd Hanns

Schlageter, ryttend, also zuom schwartzen Riden ouch

geleist unnd gezert, bis er diser zug, Ulorlichen zuom

wald mit recht hier furgenomen hett, umb sin schuld

so er im zetund schuldig gewesen were, da hett in

disen zugen siner schuld Uolrich zum Wald mitsampt

costen und schaden usgericht unnd bezalt. Aber er

diser zug hett sich des anndern costen so Uolrch obge-

gemelt Hansern schlageter zetund schuld wer, nichtz

wellen annamen, daruff Ülrich zuom Wald geredt

hett er wellt sich mit dem andern des costen halb

selbs vertragen oder uber komen.

Wyter hat gesagt diser obgemelt zug als dan Ülrich

zuom Wald uff in diesen zugen zuosagen ziehe, das

er nemlich Ülrich zuom Wald mit Hannsen

Schlageter umb i gulding uberkomen sin solle sye

(2)

im disem gezugen nichts davon kunnd und wissend

er diser zug sye och nit darby gewesen, wyter sye

im nit zewissen.