Testes producti p Schaffrott

contra hr Johans von Hegenheim

Peter Schulthes zü Cappellen hatt gesworen unnd gesagt,

daz sich in verganngen iaren begeben daz Hanns Sigrist

Heny Buman Schaffrotts swager umb schuld von

sinen guttern mit recht getriben hett unnd also

hett sich der selb Henny mit Hansen Sigerist vertragen

daz er im ettlich versicherung tün solt, unnd were

derselb Henny Buman zü im disem zugen unnd andern

sinen nachburen dryen komen unnd sy all vier

gebetten daz sy fur xx lb burg solten werden 

so wurd er wider zü dem sinen komen

also hett er sy all vier uberkomen daz sy im zü gesagt

hetten ir yegklicher fur v lb burg ze werden unnd

wern mit Henny Buman har in, in die statt komen

(2)

in eins notaren hus uff Sannt Petersberg

und were Hanns Sigerist [und Schaffrott] ouch da gewesen

unnd weren sy vier für xx lb nemlich

yegklicher fur v lb inngeschriben worden

daruff hett Hanns Sigerist zü Schaffrott

angefangen zereden er solt ouch fur xx lb

burg werden daruff hett Schaffrott ge

annttwurtt er wolt fur xx gl nit burg

werden aber damit sinen swager unnd sinen

kinden geholffen werd so wolt er fur x lb

burg werden das uberig moch das gutt

wol ertragen also nach vil wortten

demnach Schaffrott fur die xx lb nit

wolt burg werden da nem in Hanns

Sigrist zü burgen fur x lb sye ouch witter

nit burg worden dan fur x lb.

Hanns Bonne von Cappellen hatt ouch

gesworen unnd gehilt obgeschribner sag

denn er ouch ein burg umb v lb

by obgen handlung gegenwertig gewesen sye.

Peter Schnider von Atemswiler hett ouch gesworen

unnd gesagt wie die obgeschribnen zugen deren

sagen er gehilt, denn er do zü zytten ouch zü Cappelen

gesessen unnd also burg worden were.