Hanns Schnüblin hatt gesworen unnd gesagt als

sin vatter das huse zum Wissen Crutz gehept hett

unnd in willen komen were, wider von der statt ze

ziehen da were Henslin Frowenwirtt zu

dis zugen vatter kommen unnd hett geredt ob er im das

huse zum Wissen Crutz zekouffen welle geben hett

sin vatter geredt er were schuldig unnd musst bar

gelt han daruff redte Henslin wann er sin schuldnere

uff sich neme unnd er lidig gelasen were das auch

nit bar gelt, also hett sin vatter geredt er liess sich des

wol vernugen wann in sin schuldner lidig liessen

so welt er im das huse zekouffen geben. Also hett Henslin

Lölin den brottbecken zü diss zugen vatter bracht derselb

Lölin were der xl gld so dis zugen vatter Lolin schuldig

gewesen uff Henslin komen unnd were der kouff

des huses zwuschen Henslin unnd sinem vatter beslossen,

unnd hett Henslin dem Lolin von stund dasselb huss nemlich

sin besserung zü underpfannd geben unnd gesetzt

also das Henslin das witter nit versetzen solt, ..