Jorg Haffner, der karrer burger zu Basel, hatt, gesagt, unnd gesworen

wie sich in vergangnen tagen begeben daz er in Hansn Jochdenhammers des

hubsmids hus komen, da were der selb Iochdenhamer unnd Hans

Schulheis in einer rechnung ettwas stossig gewesen

also daz yettwederer teil gemeint daz ein

dem andern schüldig sin solt, unnd hett Iochdenhamer

(2)

willen gehept denselben Hanns Schultheis hei mit recht zebeheben

also hett er diser zug, in die sachen geredt unnd sy nach vil

worten alle zebeschriben nit nott zu beder sytt mitt unnd gegen

einander aller schuld halb so einer dem andern uff

denselben tag zetund gewesen were betrage unnd vereinbart

also daz Hanns Iechdenhamer i lb i ß fur all Hans Schultheis sachen geben

unnd im die uff den nechsten fritag darnach usrichten

unnd damit umb all vergangnen sachen gericht sin unnd

bliben unnd kein teil den andern umb kein vergangen

sach witter ersuchen solten, witter sye im von anzogner meynung

nit zewissen.