Testis producis pro Ennelin Beckerin

die wirtin zu Wibelsheim contra

Hanns Müller zu Eschach

Ennelin Immernibigerin, hatt gesworen unnd gesagt,

daz iro diser zugein in verganngner tagen Ennelin

Beckerin die wirtin obge, einen gulden uff ein swartze

schuben geliehen unnd als sy hin und enweg musste

da hett sy nit gehept bar gelt daz sy der wirtin

den gld geben mocht unnd da hett sy dise zugin,

der wirttin die schuben fur den gld geben also daz

die wirttin diselb schuben für ir eigentlich gutt behalten

damit walten tün unnd lassen moch als das ir

gutter will gewesen unnd noch sye, zu dem so sye sy

dem Muller nutzit schuldig sye ouch ir bevelch nye

gewesen daz der Muller der wirttin utzit in die schuben

tragen solt.