Hr Fridlinns Grauff priester unnd schaffner zu Clingental

hat gesag das sich by drü oder vier iaren ungevarlich

begeben do sye er ussbevelh hr Jacobs von Schonow

zu Caspar Brannden geschickt wordenn funfftzig guld

[Rand: so hr Hanns Erhart von Ringach

von hr Jacob wegenn] an sinen wechsel gelegt ze erfordern hette er diser zug

getan unnd Caspar Brannden einen ubertrag oder schuld-

brieff gezeyt hette er im geanttwurtt es were muntz

unnd nit gold, hette aber er diser zug in bevelh, gold ze

nemen unnd die muntz nit genomen unnd damit von

im gescheiden.

Heinrich Brun hatt gesagt das er uss bevelh hr

Hanns Erhartz von Rinach in vergennen iaren funfftzig

guldin in muntz von wegen hr Jacobs von Schonaw [Rand: Caspar Brannden in sinen wechsel]

gelegt hab unnd uff dasselbig mal ein quittantz von

im erfordert, hette Caspar Brannd im geanttwurtt

es bedorffte des nit unnd were gnug wann es in sinem

buch stund es sy och war das er diser zug daby und

mit gewesen unnd erganngen sye wie der obgemelt

hr Fridlinus gesagt hab, aber kein gelt empfanngen.