Anthon Spengler der gerwer hatt gesagt, unnd gesworen

daz sich in verganngen tagen begeben daz Hans Brachlin

Michel Stierlin unnd Werlin Bösch die schuchmachere,

ze Rinfelden ettlich leder von Jacoben Stak dem gerwer koufft

haben umb xvii lb die zu zweyen zilen unverscheidenlich

fur einander zebezalen, nemlich das halb uff sannt Bartholos

tag unnd das annder uff sannt Marten tag nechst verrinkt (?) zebezalende

unnd wurd lutter abgeredt unnd von den koufferen begert

ob sy die bezalung nit tatten wie obstatt nit tatten daz sy alsdenn

mit keinen rechten nach geistlichen (?) briefen nutzit zeschaffen

welten haben sonnder so mocht Jacob Steck einen botten nach

verschinen zilen hinuff gen Rinfelden schicken der solt uff sy leisten

solang bis sy in bezalen siner schuld mit sampt

dem costen und schaden.