Meister Peter Switzer der vechtmeister hat gesworen unnd

gesagt, das im Heinrich Underwalden [vor vergangner zit] einen kouff

abgetan umb xxiiii gld da hab sich hienach

begeben uff einen ungeverlichen santt martins tag

das einer genant Ulrich Ienger (?) von Arow

har gen Basel komen hab diser zug zu im gesagt

lieber Ulin was macht Heinrichen Underwalden

zu Arow wan will er mich bezalen. Het im

disem zugen Ulrich Iung geantwurt lieber Meister

Peter ich sorg das er uch nit bezalen mög ange-

sehen das er nut und vil kinder hatt wan

ir dann schon hin uff gen Arow kompt in zever-

tryben wist uch darnocht uwer schuld halp un

geholffen. Aber wan ir hinuff kompt unnd

mir in angichtig machtend so will ich uch de-

nach er min gevatter und fast lieb ist dises

rosslin so (...) hier pfend fur in daran geben.

(2)

hett er diser zug gesagt ich wurd bald hinuff

ander minder anligend geschefft halp so woll

wi schon wie wir den sachen tund also hie

nach uber kurtz wer er diser zuig hinuff gen Arow

komen und mit Hennsling Underwalden

abgerechnet, das er im dise zügen noch danocht

xi gld anred und gichtig da were

vil gutter gesellen daby gewest und von Iengin

der sach unnd handels im siner gedechtniss habe

entfallen [wer die gewesen syent] aber er diser zuig wiss noch woll

das Ulrich Iung mitsampt den andern so darby

wern in diser zuigen verordt(?) wie Ulin dan vormals

hie zu Basel mit diser zuig des rosslings halb

geredt het, das durch gotzwiller zetund so wolt

er im das rosslin geben so sin eigen wer [und mocht wol

daruff sten im wurd wyner pfennig darfür]

aber v so lieben so er zu Henslin het dan

wan er diser zuig in schon vertrib so wer im

danocht unbeholffen. Da het er diser zuig das

Rosslin genommen für all ansprach so er zu Henslin

Underwalden gehebt. Wie aber Ulin Jüng hie

nach gehandelt hab sye im unwissend und

da er das rossling gen Basel brocht gult es

im on ein ort dry gulden.