Anndres Meiger der gerwer hat gesworen unnd gesagt

das sich begeben das er diser zuig gen Slierbach

uff die matten kome die im Winbog gemert hab unnd

als er diser zuig von der matten inn das dorff

Schlierbach hab wöllen geen, sye Winbogns frow unnder

uff dem bach grabenn zu im disem zuigen komen da

hab er diser zuig zu ir geredt du schanndtliche

frow warumg hetstz Margretzehn Hirsingers also

inn mich du soltest mir das nit zu leid tun hett

dir frow geredt ich hab es getan unnd ir fir

costen unnd schaden versprochen und zu ir ge-

sagt sy soll gelt von der Steinmetzing huss nemen

unnd hab es darumb getan das du mir die

matten nit hast wollen lassen. Witer so hab

sich begeben vor der sehet oder dar inn ungevarlich,

das Veltin Gilgenstein als ein vogt

Margrethen Hirsingerin inn disen zuigen hie zu

Basel mitt recht fur genomen der matten halp

so Burgkhart Winbog angenomen hab also

das er sy soll angenommen haben etlicher schulden halp

so dises zuigen vatter schuldig gewst sye das dan

nit also sonnder er diser zuig durch gnügsam

kuntschafft furbracht hatt wie die matten von etlichen

schulden wegenn so Margreth Hirsingerin unnd nit

dises zigen vatter schuldig gwesen ist witer so

wer er diser zig gen Slierbach zu sinen gutten (?)

Heini Kleintgen (?) komen unnd in gefragt wer

das embt von der matten hinweg der

hett im geantwurt Burgkhart Winbog hat

ein gutter fart embd darvon gefuort.