Testes producti pro Steffann Streblin co

Mollitore de Almswiler

Hanns Hettschlin hat gesagt nach dem er des eides

erlassen worden ist das sich ungeverlich vor einem iar

begeben hab das er diser zuig fur Steffann Streblin

den Thorhutter unnder spalenn thor bürg worden sye

fur iiii lb Lienhart Diener fur iii lb unnd Lien-

hart Dietschi von Almswiler ouch fur iii lb bürg

[gestrichene Passage] er so er Steffan Streblin Clawsen

Schmidlin an einer mulin schuldig worden wer Also

das derselb Streblin das selb gelt die x lb uff denechsten

herbst darnach kunfftig an den wechsel legen

sollt unnd wan er das gelt gelegt sollten die

obgemelten burgen der burgschafft lidig sin. Als dan

der mergemelt Streblin getan unnd die x lb

an Caspar Brannden dirre zitt wechsler zu Basel

gelegt hatt unnd hab im der Thorwechter gesagt

wie er den muller obgemelt gesagt das

er im die x lb an den wechsel gelegt hab

wie dan inn der abred beschlossen worden

unnd sye Claws Schmidlin der muller darnach uff

einen ungeverlichen tag ouch zu im diesem zuigenn

komen unnd gesagt wie er Hannsen

Iungerman gesagt das Streblin zu im dem

muller geredt er hab im das gelt die

x lb an den wechsel gelegt nit mer sy im

disem zuigen zewissen.

[Lienhard Diener bestätigt die Aussage]