Testes pducti p Iacoben de Wissenburg

Her Ulrich Hasenschiesser hat gesagt das sich ongeverlich

vor ix oder x iaren begebenn das er diser zuig als

ein ampt inn wilennt her Weinsgerns

Strolin selig ein Capplan uff burg mit tod abgangen

da hab ein iunckfrow zu den zitten sins hinscheidens

by im gedient genant Rechbeinlin unnd als er

(2)

diser zuig inn das huss als ein amptman ge-

schickt ward solch ein verlassen gut ze beschriben

als er dann tet, unnd was die selb iunck-

frow sagt ein laden unnd aller hannd zü iro

lib gehörnde liess er ir gutwilliclich verfolgen

unnd zu letst verbott sy dasselb verlassen gut

als sin iunckfröw für ir lidlon inn dem wurd

es mit do güt an den kowffeler so langer verzogen

das es nit verkowfft wurd biz dieselb iunckfrow

ouch gesturb. Darnach kam einandere [genant Vren Wisslin] inn derselben

abgestorben iunckfr namens als ir erb

unnd sprach dasselb gut

für das lidlon an das dan die vordrig iünckfr

verbotten hett, darnach innkurtzer zitt kom dieselb

Vren Wisslin inn mins herren von Oberkilch hoff

unnd wird alda desselben lidlons als ein erb

nach margkzal bezalt da sye er diser zuig unnd

Johannes Saltzman by und mit gesin witer so

sagt er diser zuig das wilent Gredt Ann selig

nie kein iünckfr gehabt dann sy allweg selbs

zu huss gewest bitz zu letst gar bald by iro

abschid da hat sy ein huss koufft von unser

frowen aber sy hatt dannocht nye kein iunckfr

gehabt ouch so hab er diser zuig Gred Annen

an irem tod bett ob sy yemand nutzit zetund

schuld sye daruff sy geredt nyemannd

dann einem schnider by vii oder ix ß ongeverlich.

Hr Conratt Huglin der buwmeister hatt ouch gesagt daz er by

Gredannen in ir kranckheitt unnder drye malen gewesen sye

unnd sy gefragt ob sy yemand schuldig were, das anzegeben

daruff hab Gredanna selig geredt sy sey uff diser

erd nyemand schuldig dann dem decken by einem pfund.