Heinrich Wagener von Mulhusen

von Altkilch, hatt gesworen

und gesagt, daz er diser zug zu zytten da er zu

Altkilch gesessen da were in nott angangen daz er gelt

must haben da were im anzeig bescheen an Jacob

Franck zu Mulhusen der hett gelt unnd lih uss unnd

machte zins, also hett sich diser zug erhept unnd were

gen Mulhusen zu Jacob Franck gangen, unnd hett im

sin anligen entdeckt unnd gebetten im mit gelt zehelffen

wolt er im fruntlich wider geben also hett im Jacob Franck

Ulin Preys von Steinsultz were im noch

x lb schuld der solt im die in viii t geben so vere

unnd im derselb gelt wurd so wolt er im das lihen

unnd fursetzen, also were er diser zug gen Steinsultz zu

demselben Ulin Ourris gangen unnd ingefragt ob er Jacob

Franck utzit schuldig were unnd wie vil unnd wann

er im die selb schuld bezalen wolt, dem Jacob hett

im disem zugen zugesat, wenn im dasselb gelt, wurd so welt

er ims zu siner notturfft darlihen, daruff hett Ulin gesagt

er wer Jacoben x lb noch schuldig, die welt er im

in achttagen usrichten denn er wol im disem zugen nutzit

[gestrichene Passage] also wer

der diser zug wider von Ulin abgescheiden unnd

zu Jacoben Franck gen Mulhusen komen und gesagt datz

Ulin im disem zugen nutzit wolte geben aber die x lb welt

er Jacoben in achttagen geben, daruff hett Jacob gesprochen

wann im dann das gelt wurd wolt er im helffen. Als

nu die achttag verschinen da were er diser zug wider

(2)

zu Jacob Franck komen und gefragt ob im die x lb von

Ulin Pirrys worden werden unnd ob er im sinen zusagen

nach helffen wolt, daruff hett Jacob Franck disem

zugen mit guttem tutsch geanttwurtt unnd

gesagt, ia Ulin hatt mir die x lb geben trag die da

in der teschen, unnd hatt mich bezalt, aber mir ist in

disen achttagen ein kouff zugestanden von ettlichen von

Mulhusen umb vii viertel weissen gelts die will

ich kouffen darzu ich desselben unnd ander mins gelts

notturftig wird, in masen ich dir by den zytten nit

helffen noch einich gelt lihen kan, unnd hett

in disen zugen uber das er im zügesagt hett, also an

gelt und einich fursatzung hin und enweg

geschiben.