[Kundschaft für Johann Fries gegen Klaus von Michlenbach]

Peter Lochlin von Barthenheim, hatt gesworen unnd gesagt

daz in Hanns Friess geboten hett mit im uff ein tag

zwuschen den von Michlenbach zesind, unnd als er diser

zug unnd annder by solichem tag gewesen unnd

unnderstanden sy guttlich zerichten, hetten die von Michlenbach

gemeint er hett in den graben nit nach dem verding

gemacht sonnder were ein kemme (?) in demselben graben

die solt er ussgestochen haben. Daruff Hanns Fries redt

was er inen nit erfult hett nach lutt des verdings das

er nachmals er vollen unnd wersch tun, dann im einen

zweyen oder mer tagen nit gelegen werden mit beger im

die x lb sin verdienten lidlon, nach lutt des verdings usszerichten.

Also hetten sy in die sach geredt unnd gemeint Hanns

Friess solt die sach von handen geben so wolten sy an den

x lb ein muttmassung machen, das aber Hanns nit hett

wellen tün sonder gemeint solt im die x lb usrichten

was sich dann erfind daz brust an dem verding were

das welt er erstatten also weren sy von ein annder

gescheiden unnd die sachen nit gericht daz aber diser

zug wissen konne wie das verding bescheen

oder was brust daran sye im verborgen, witter sye im

nit zewissen.