Meister Jacob Bratteler hatt gesagt daz uff ein zytt sich begeben daz

Michel Rutzschlin an Bastian dis zugen

swager komen und in gebetten hett im v gld uff sin fleisch

banck zelihen hett Bastian in disen zugen ratz gefragt

daruff hett im diser zug geratten er solt an Rudolffs Michels

bruder willen unnd wissen nutzit uff den banck lihen denn

Rudolff were ein wilder man, unnd mocht uber nacht

(2)

den banck ansprechen also hett Bastian

und er diser zug mit R geredt wie dem Michel

in gebetten im v gld zelihen uff den banck so vere

unnd das wider in were, wolt er im nutzit lihen

da hett Rudolff geredt mit lutteren wortten daz

der banck Michels were unnd Bastian macht im

wol daruff lihen unnd als er Michel Rutzschlin das

gelt uff Rudolff wortt geliehen unnd den banck in

Michels abwesen gebrucht da hett im Rudolff Rutschlin

einen aber willen gegen Bastian deshalb furgefasst,

unnd wolt den banck haben etc. Also wolten

Bastian nit mit im haderen lassen, sonder weren

bed teil fur die ersame meister der metziger zunfft

berufft unnd guttlich in den sachen gehandelt in

massen Bastian unnd R betragen worden also daz

Rudolff Bastian sin v gld bezalen unnd Bastian

im den banck wider volgen lasen solt daby die sachen

bliben weren.