[Zeugenaussage für Gilgmann Mendlin von Bamslach gegen Peter von Busch]

Werlin Mendlin von Bamslach hat gesworen und ge-

sagt, das sich unbeverlich umb sant Martins tag

nechstvergangen begeben hab er diser zuig Gilgman Mend-

lin von Bamslach win hat gen Basel gefurt. Also da

sy mit dem win uff dem margkt hielten, keme Peter von

Busch und kowfft demselben i füder wins ab doch den ze be-

zalen inn acht tagen demnechsten. Als er Peter von Busch im zu

gesagt zetun. Daruff Gilgman geredt het zalstu

mich inn der zitt mit lieb ich darff dir einandermal

mer wins geben wan du des notdurfftig bis. Es stund

also er diser zuig furer ime den win fur die thure also

hielt er by den ii stunden vor der thur das nyeman da

wer der im den win hulff abschalten. Doch zu letst begeb

sich das Peter vom Busch und einer mit im komen und

murmelt derselb so mit Peter ging umb bezalung den

er im ouch vormals win verkowfft hett das mergkt

er diser zuig unnd sagt darnach zu Peter wie etlich

lut in disen zuigen ubel trosten und sagten er wurd sinen

meister mit lieb nit bezalen. Daruff Peter geredt ich will

in inn acht tagen bezalen oder nit ein biderbman.